Humitaas hin 6.47% an nahipatik nga produksyon han gatas ha syahan nga kwarter han 2026.
Pamatuod ini nga an kontribusyon han milk industry ha pagpapaksuog han food security.
Ini an pahayag han National Dairy Authority (NDA) kasunod han report nga ginpagawas han Philippine Statistics Authority nga humitaas ha 11.79 milyon litro an lokal nga produksyon ha syahan nga kwarter han 2026, mas hitaas hin haros 7-percent tikang ha 11.07 milyon litro dida han 2025.
Humitaas gihapon an kantidad han gatas has 6.5% ha constant 2018 prices ngan 10.3% ha current prices.
Sumala kan NDA Administrator Atty. Marcus Antonius Andaya, bunga ini han nahitaas nga productivity han mga dairy farmer ngan han mga ginpahugot nga programa ha farm level.
Ginlalauman na gihapon an pag-abot han mga imported dairy animal agud pakushon an breeding base, kadungan han pagpapahaluag han milk feeding program han Department of Education (DepEd) ha ilarom han Sagip Saka Act.
Ha nasabi nga report han Philippine Statistics Authority (PSA), humitaas an per capita milk consumption tikang 17.16 litro ngada ha 19.53 litro, samtang 2.10% pala an milk suffiency level dida han Marso.
Mahitungod ha maupay nga development, target han NDA an 53 milyon litro nga produksyon ngan mapahitaas ha 2.33% an milk sufficiency ha bug-os nga 2026.
