TACLOBAN, CITY – Gintudlok han City Disaster Risk Reduction and Management Office (CDRRMO), an V&G Subdivision, kumo usa nga flood prone area hiton syudad.
Sumala kan City Disaster Risk Reduction Management Ildebrando Bernadas, usa ini ha ira mga gin babantayan ha pagkayana tungod nga damo na kabalayaan an naapektuhan ngan kalakip na gihapon an mga estudyante.
Dugang pa hine, ha pagkayana may gin bubuhat nga pitad an City Tacloban, agud mawara an pagbabaha ha mao nga lugar, usa ha mga gin tudlok nga makaka bulig an Grand Canal nga gin hihimo yana ha Palo ngan Tacloban.
An panuyuan han proyekto in makuha an mga tubig nga nabi-aw ha mga lugar nga harani han kanal.
Ginbabana-bana naman nga maabot ha Php 3.131-Billion pesos kaupod an 4 lane tikang Campetic Maharlika Highway pakadto Tacloban San Jose, gin-alutaga nga budget ha paghingayad.
Naglalaom hi Bernadas, nga mahuman ngani an proyekto dire na mamromroblema an mga nag-uukoy ha syudad partikular na ha V&G Subdivision
