TACLOBAN CITY – Padayon an paningkamot han Tacloban City Agriculturist Office agud igduso an food security ngan mapakusog an mga programa nga makakabulig ha publiko.
Subay kan Tacloban City Agriculturist Romelo Anade, lakip ha mga prayoridad han siyudad an paghahatag hin suporta ngan interbensyon ha mga Persons with Disabilities (PWDs), Persons of Reduced Physical Capacity (PORPIs), single parent, senior citizens, ngan iba pa nga sektor.
Kaparte hine, nakatalaan nga iglunsar an P20 per kilo hiton bugas o Bugas Program.
An rollout in nakatalaan ha Mayo 7 pero gin-reschedule ine ha Mayo 14.
Ha siyahan nga phase han programa, target an 1,000 nga mga benepisyaryo nga makakapalit hin P20 pesos nga bugas nga limitado ha 10-kilo kada household.
Magkakamay-ada gihapon hin pre-registration antis iton opisyal nga paglulunsar agud masigurado nga hapsay an distribusyon.
Bisan man 1,000 household pala an sakop han pilot phase, ginsigurado han opisyal nga tinikangan pala ine.
Kahuman hiton opisyal nga launching, susundan ine diretso hin mas haluag nga implementasyon, diin igka-cluster an mga barangay ha siyudad agud mas damo nga mga molupyo an makatagamtam.
Ha ilarom han Bigas Program, kada household in pwede nakapalit hin kutob 30 kilo nga bugas kada bulan, pero igpapatuman ine ha staggered nga pamaagi agud magin hapsay ngan mahimyang ha mga distribution points.
