-- Advertisements --
TACLOBAN CITY – Patay an usa nga pulis mahuman nga aksidente ini nga bumunggo ha usa nga poste hin kuryente samtang nagmamaneho han iya motor ha may Brgy. Pilit, Sta. Fe, Leyte.
Ginkilala an biktima nga hi PSSg. Gary Cabojoc, ada ha legal nga pangidaron, naka-assign ha RHSU8 Police Regional Office 8 ngan residente han Barugo, Leyte.
Sumala kan PCAPT. Proven Troy Castro, Chief of Police han Santa Fe MPS, tikang ha ira panimalay ha Barugo an mao nga pulis pakadto unta ha PRO 8 ha Palo han aksidente ini nga bumunggo ha mao nga poste ngan nagresulta ha pagkahulog hini ha kanal o creek.
Nag-angkon hin serious physical injury an mao nga biktima ngan dayon nga gindara ha ospital pero gindeklara naman nga dead on arrival.
