INTERNATIONAL–Apektado na an sobra 300-K ka ektarya an bushland ha Victoria, Australia, mahitungod ha mahaluag nga bushfire nga ginpaduro han delikado nga heatwave, sumala ha mga otoridad han Sabado.
Ha New South Wales, pira ka sunog hirani ha border han Victoria in ada ha emergency level nga, an pinakahitaas nga alert level, nga haros umabot ha 40 Cerlsiyus an temperatura, sumala ha Rural Fire Service.
Sumala ha mga otoridad, umabot ha sobra 130 ka struktura na an apektado, kalakip an mga balay kun diin damay gihapon hin purluminos 38-K ka panimalay ngan negosyo nga nawarayan hin kuryente mahitungod ha danyos durot han bushfire.
Ini in an pinaka deliakdo nga sunog ha nasud tikang han 2019-2020 Black Summer fires, nga umabot umabot an kahaluag hini kaparehas hiton Turkey ngan kun diin 33 katawo an namatay.
Nagpa abot naman hin pahimatngon hi Prime Minister Anthony Albanese nga naka atubang an Australia ha usa nga adlaw nga extreme ngan delikado nga fire conditions, partikular ha Victoria kun diin dako nga parte han estadp an gindeklara nga disaster zone.
Ginsara na an damo nga parke ngan campground ha Victoria ngan dayon ngan ginmando an pagibakwit ha mga residente ha lugar.
