Nagpahimatngon hi US President Donald Trump ha Taiwan kontra ha porma nga pagdedeklara hin independensya tikang ha China kasunod han iya pagbisita ha Beijing.
Ha usa nga panayam, gintagan-duon ni Trump an importansya han pagpapakalma han tensyon, pero nanindugan an Taiwan nga dire na nira kinahanglan magdeklara mahitungod nga iginkokonsidera na nira an kalugaringon kumo usa nga libre nga nasud.
Ginmalatumat ni Trump nga aabuton hin 9,500 milya an pagbibiyaheon han US agud makig-away ha gyera ngan dire ini niya karuyag. Lugod, karuyag niya nga umubos an tensyon ha butnga han Taiwan ngan China.
Igin paangbit ni Trump nga damo an ira napag-istoryahan ni Chinese President Xi Jinping kasumpay ha Taiwan, pero bumaribad ini nga kumpirmahon kun dedepensahan ba han Amerika an Taiwan.
