ODD-Nakuha ni Emila Evans-Munton, usa nga art student an Guinness World Record para han ‘largest sock monkey sculpture’ ha bug-os nga kalibutan para han iya degree show ha Glasgow School of Arts.
Sumala ha Guinness, in umabot an kahilaba hine ha 49 feet ngan 6 inches, nga kaparehas ha usa nga semi-truck.
Agud nga mahimo ine, gumamit an 22 anyos an 60 ak metro hin corduroy para matabonan an monkey ngan 40 ka straw bales agud nga matagan ine hin struktura.
Dugang pa hine, ginmalatumat ni Evans-Munton nga gumamit hiya hin repurposed recycled scaffolding board o kahoy ha mga dagko nga buttones para han mga mata nga umabot ha 1.5 ka metro an kahalapad han kada usa.
Mababaruan nga nagtikang la ine kumo passion project ngan waray intensyon an estudyante nga makab-ot an titulo ngan usa nga dugang nga bonus ha iya nabug-os nga piyesa.
Courtesy | Guinness World Records
