NATIONAL–Ginsigurado ni Philippine Ambassador to Washington Jose Manuel Romualdez nga dire babayaan han Estados Unidos an Pilipinas an pagkontra ha nagtitikagrabe nga tensyon han China ha ginpapag-agawan nga kadagatan bisan ha kaluyo nga nagkahimangraw na hira ni US President Donald Trump ngan Chinese President Xi Jinping agud nga maresolba an ira tensyon.
Sumala kan Romualdez, magpapabilin nga madig-on an Pilipinas ha pagdepensa han soberanya, pero abri gihapon an nasud nga ayuson an relasyon ha China para ha mas haluag nga balyuay ngan relasyon nga pan-ekonomiya.
An US ngan Pilipinas in nangunguna ha pagkondena ha agresyon han China, nga nagamit hin water cannon, flares, ngan pagbalabag ha mga pwersa Pilipino ha dagat ngan kalarakan.
Ginpapahinumdom gihapon han US nga mayada oblligasyon nga depensaran an Pilipinas ha armado nga pag-atake.
Ha kaluyo nga mayda kahadlok ha posible nga US-China rapprochement, gisigurado ni Romualdez nga labi pa nga nagtitikakusog an relasyon nga panseguridad ngan depensa ngan mayada pondo an US para ha modernisasyon han militar han Pilipinas.
Ha kaluyo han tensyon, tumong han Pilipinas nga paupayon pa an relasyon ha China ha mga isyu nga dire kontrobersyal sugad hiton climate change, manufacturing ngan alternatibo nga enerhiya.
