-- Advertisements --
INTERNATIONAL – Ginklaro han Estados Unidos nga dire ini nakikigiyera kontra ha Russia ha butnga han pagsuporta ha Ukraine.
Ginbuhat ni United States Department of Defense Press Sec. Air Force Maj. Gen. Pat Ryder an pagklaklaro kasunod han padayon nga pagpapadara han US hin suporta para ha Ukraine nga amo an gingagamit para ha opensiba hini kontra Russia.
Sumala naman kan Ukrainian Pres. Volodymyr Zelensky, nakabulig hin dako an mga military shipment nga tikang ha mga kaalyado nga nasud labi na an US.
Pagklaklaro naman ni Gen. Ryder, dire gingyegyera han US an Russia, ginsusuportaran la hini an Ukraine nga amo an siyahan nga ginatake. An suporta han US in importante agud maproteheran an Ukraine an teritoryo ngan molupyo hini.
