INTERNATIONAL – Ginanunsyo ni US President Donald Trump an pagbutang hin 25% nga taripa ha mga produkto nga nagtitikang ha mga nasud nga may commercial ties ha Iran.
Usa nga pitad nga mas maghahatag hin pressure ha Iran kaupod han nagpapadayon ng mga gios-protesta kontra ha gobyerno ha ika-tulo nga semana na.
Ha usa nga pahayag, ginmalatumat ni Trump nga dayon magigin epektibo an taripa hin dire naghahatag hin detalye kun ano an iya gintutudlok nga “pakikig-negosyo” ha Iran. Sumala hini nga pinal na an nasabi nga kamanduan.
Ha pagkayana in waray pa ginpapagawas nga impormasyon an White House kasumpay ha taripa kaupod an mga nasud nga pinaka-grabe nga maapektaran an imports.
Presente nga an China an gintutudlok nga pinakadako nga trading partners han Iran, ginsundan ini han Iraq, United Arab Emirates, Turkey ngan India.
An panibag-o nga taripa in kasunod han tarhog ni Trump nga makiialam an Amerika kun patayon an Iran an mga nagpoprotesta.
