TACLOBAN CITY – Ginpahayag han Traffic Operations Management Enforcement and Control Office (TOMECO) nga plano han ira buhatan nga magdugang hin mga traffic lights ha syudad han Tacloban.
Sumala kan Restituto Reglos, Chief han Operations Division han TOMECO, padayon nira nga ginpapaghingadayan an mao nga plano kun diin may mga bag-o nga traffic lights nga igtutukod ha syudad.
Ginpapaghimangrawan naman han mga ini kun an mao nga mga bag-o nga traffic lights in igbabalyo la anay ha mga daan ngan depektibo nga traffic lights partikular na ha downtown area ha syudad.
Nahibaruan manggud nga an mga depektibo nga traffic lights ha syudad in nakakagkawsa han pagkawurok han mga motorista sugadman danay nagiging rason han aksidente ha kadalanan.
Plano gihapon nira nga balyuan hin cord hin kuryente o direkta nga linya an mga traffic lights nga gagamiton imbes nga mga antenna tungod ha problema ha detection hini labi na kun mauran an panahon.
