SPORTS NEWS– Hitaas an kumpiyansa han tennis team han nasud nga masabak ha 33rd Southeast Asian Games ha Thailand matungod nga masabak hi Alex Eala.
Nanguna mangud hi Eala ha nagin flag bearer kaupod hi volleyball star Bryan Bagunas ha opening ceremony han torneo.
Matungod ha pagbulig ni Eala, naglalaom an tennis team han nasud nga makakaghakot pa hira hin damo nga mga medalya.
Target naman nira nga malahusan an usa nga gold medal nga ira nakuha hadton 2023 SEA Games.
Ginpaangbit ni HILTA Secretary General and Navotas City Mayor John Rey Tiangco nga usa nga dungog nga maka-upod hi Eala sanglit ginpapag-andaman nira an nasabi nga torneo.
Manunumduman han 2021 SEA Games humakot hin 3 nga bronze medals hi Eala.
Pira naman ha mga miyembro han tennis team han nasud in hira Ric Olivarez, Alberto Lim, Alexa Milliam, Francis Alcantara, Ruben Gonzales, Shaira Rivera, Tennielle Madis, Stefi Aludo, ngan Arthur Craig Pantino.
