TACLOBAN CITY – Padayon an gindudumara nga pangandaman han mga atleta han rehiyon para han tiarabot nga Palarong Pambasa 2026 yana mga maabot Mayo 24 kutob Mayo 31 ha Agusan del Sur.
Sumala kan Tacloban City Sports Head, Michael Octaviano, labot pa han concentration training nga pagbubuhaton han mga atleta ha Baybay City, in nagdudumara gihapon an mga ini hin personal training depende han ira mulay.
Para han syudad han Tacloban, mayda 11 nga events nga bubuligan han mga atleta, amu an: athletics, billiards, basketball (Girls) 5v5, football (Secondary), Sepak Takraw (Elementary), Soft ball (Elementary-Girls), Swimming, Table Tennis, Taekwondo, ngan Para-Games.
Ada naman ha sobra 100 nga atleta an nakatalaan igpadara han Siniran Bisayas ha Palarong Pambansa 2026.
Ha lain nga bahin, nagpakakarawat na han ira insentibo an mga atleta han Tacloban City nga nagdaog durante han Eastern Visayas Regional Athletic Association (EVRAA) Meet 2026.
An mga gold medalists nakakarawat hin tag-P5,000 kada usa, P3,000 naman an mga silver medalists, ngan tag-P2,000 naman para han mga nakakuha hin bronze medal.
