TACLOBAN CITY — Nagtutuo an Tacloban City Police Office (TCPO) nga mas damo pa an napakadto nga katawhan kun waray madiskubrihi han mga otoridad an usa nga drug den ha Paseo de Legaspi ha syudad han Tacloban.
Sumala kan PSI Jessica Ortega, Tagapagyakan han TCPO nga an mao nga pitad in kaparte han ira mahugot nga kampanya ala kontra ha illegal nga droga kaupod an Philippine Drug Enforcement Agency (PDEA) Regional Office 8.
Una hini, naaresto ha guindumara nga buy-bust operation han mga otoridad an upat nga personalidad nga naaktuhan nga nagamit han illegal nga droga ha mao nga drug den nga guinpapanag-iyahan han usa han mga naaresto nga hi Rex Lacanaria.
Lakip ha mga nadakop an live-in partner ni Lacanaria nga hi Marilyn Nicodemus, 24 anyos an pangidaron, Jayson Valle, 31 anyos an panidaron ngan Mario Herrera, 30anyos an pangidaron.
Dugang pa ni Ortega nga pareho nga drug surrendree han Oplan Tokhang an mao nga mga suspek ngan papreho nga kalakip ha drug watch list han TCPO.
Samtang, nagpapabilin pa an mga suspek ha TCPO Custodial Facility ngan naatubang na ha kangayan nga kaso.
