Dako an igin ubos han kabug-usan nga pangungutang han gobyerno dida han Abril, pangunahon nga rason in mahitungod ha dako nga pag-iban han paghuram hini tikang ha sulod han nasud, subay ha Bureau of the Treasury.
Basar ha pinakaurhi nga datos han BTr, lumaprak ha 66.6% an kabug-usan nga pangungutan han gobyerno ha P130.19 bilyon dida han Abril, tikang ha P390.06 bilyon ha kaparehas nga bulan dida han nakalabay nga tuig. Haros 94% han nasabi nga kantidad in nagtikang ha local market.
An domestic debt in umubos hin 68.2%, tikang ha P384.71 bilyon tikadto ha P122.28 bilyon. Kaupod na hini an pagpapagawas hin P125.02 bilyon nga na-fixed rate han Treasury bonds, samtang P2.74 bilyon naman an natirok tikang ha pagbabaligya han Treasury bills.
Samtang, umutang an gobyerno hin P7.91 bilyon tikang ha mga langyawanon nga ginkukuhaan hin pondo dida han Abril, mas hitaas hin 48% kumpara ha P5.35 bilyon nga nahuram hini tikang ha iba nga nasud ha kaparehas nga bulan dida han nakalabay nga tuig.
Ginbubug-os ini hin P7.76 bilyon nga project loans ngan P151 milyon nga program loans.
Ha kabug-usan, umabot ha P1.13 trilyon an kabug-usan nga pangungutang han gobyerno tikang han Enero kutob Abril, mas hamubo kumpara ha P1.14 trilyon nga nahipatik ha kaparehas nga panahon dida han nakalabay nga tuig.
Kaparehas ini han 42% han nakatalaan nga P2.68 trilyon nga programa han pangungutang han gobyerno para ha 2026. An nasabi nga pondo in kinahanglan agud mabaton an ginlalauman nga kakulangan ha budget nga P1.61 trilyon o kaparehas han 5.3% nga Gross Domestic Product (GDP) han nasud.
Mahitungod hini, humitaas naman hin 2.1% an kabug-usan nga lokal nga pangungutang han gobyerno ha syahan nga upat kabulan han tuig, umabot ha P853.38 bilyon. Kaparehas ini han 41.5% han target nga P2.05 trilyon nga lokal nga paghuram han gobyerno para ha presente nga tuig.
