TACLOBAN CITY – Nanawagan hi Tacloban City Mayor Alfred Romualdez ha mga Taclobanons nga mas pahuro-huguton an hibaro ngan pagsunod ha Proper Waste Management agud mapabilin an kalimpyo ngan katalwasan ha komunidad.
Gintagan-duon ni Romualdez nga 60 porsyento han mga basura nga iginlalabog adlaw-adlaw in biodegradable o madurunot. Karuyag sidngon, pwede ini magamit kumo abuno hiton tuna o compost kontra nga igtambak la ha landfill.
Dugang pa hini nga an Proper Waste Management in responsibilidad dire la han lokal nga panggobyernuhan kundi pati na gihapon hiton mga molupyo.
Ha pagkayana in ginpapahuru-hugot han lokal nga panggobyernuhan han Tacloban an mga information drive may paghisumpay han waste segregation and composting ha mga eskwelahan ngan barangay.
Ginlalauman gihapon hi Mayor Romualdez nga mas magigin responsable an publiko ha paglalabog naman hiton mga basura. (via Bombo Shiela Encio)
