TACLOBAN CITY – Malinampuson an pagdumara han syahan nga semana han nagpapadayon nga implementasyon han Tara, Basa! Tutoring Program han Department of Social Welfare and Development (DSWD) ha syudad han Tacloban.
An mao nga programa in nagpapanuyo nga mabuligan an mga college students ha ira pag-eskwela pinaagi han pinansyal nga suporta kabalyo han pagtutdo han mga ini ha mga incoming grade 2 learners ha pagbasa ngan pagdumara han nanay-tatay parenting sessions ha sakob hin 20 kaadlaw.
Yana nga tuig in maabot ha 465 nga mga estudyante tikang ha Leyte Normal University ngan Eastern Visayas State University Tacloban Main Campus, an makakabenepisyo han mao nga programa sugadman 1,300 nga mga incoming grade 2 learners ngan ira mga kag-anak.
Makakakarawat an mao nga mga college students hin P9,040 katupong hiton regional daily minimum wage nga P452 ha sakob hin 20 kaadlaw. Samtang, an mga kag-anak naman han mga incoming grade 2 learners in makakakarawat gihapon hin P4,700 para ha ira makokompleto nga pag-atender han 20 kaadlaw nga parenting sessions.
Mahibabaruan nga yana nga maabot nga semana an ikaduha kasemana na han implementasyon ha Tacloban ngan matatapos ini ha maabot nga Mayo 15, 2026.
