NATIONAL NEWS– Iginpatuman na han lokal nga pangobyernuhan hiton Quezon City an mga class suspensions ngan liquor ban kumo kaparte han ira preparasyon ha ika-upat nga State of the Nation Address ni Pangulong Ferdinand Marcos Jr.
Ginkumpirma ine ni Quezon City Mayor Joy Belmonte nga naka-andam na an Philippine National Police (PNP) sugadman an Law and Order Cluster para ha mahimtang nga pagserbi hin seguridad ha bug-os nga Batasan Complex.
Labot la hine, magtutudlok gihapon hira hin kadugangan nga tinaglawas ha Traffic and Transport Management Department han Quezon City para magin maupay an dalagan an trapiko kun diin pagdudumaraon an SONA han Pangulo.
Ginsigurado gihapon han mga ine an sadang nga ihap para ha mga emergency response units nga naka-standby pananglitan kinahanglanon hin medical support ngan assistance an publiko.
