Nakaghipatik hin 1,091 nga ihap han mga road crash incidents an Department of Health (DOH) para han kabug-usan nga obserbasyon han Holy Week dida han naglabay nga semana.
Sumala kan DOH Spokesperson Albert Domingo, an datos in nahipatik tikang Marso 29, Palm Sunday kutob Abril 2, Jueves Santo.
Dugang pa, an ihap in 150% nga mas hitaas kumpara ha nahipatik nga 437 nga road crash incidents dida han naglabay nga tuig-2025.
Ha kaluyo hini, iginpahayag ni Dominggo nga dire ini nangangaruyag sidngon nga nagtitikadamo an mga aksidente ha kadalanan, lugod in posible nga mas damo la nga hospital la an naghahatag ha ira hin report.
Dugang pa ni Domingo, ha iba nga perspektibo, importante gihapon an nga nakakarawat nga panlantaw han publiko kasumpay hini nga rason agud makita kun ano pa an mga kinahanglan likayan agud mapungan an mga sugad nga aksidente ha kadalanan.
