VATICAN CITY – Gindepensaran ni Iranian President Masoud Pezeshkian hi Pope Leo XIV mahuman an mga insulto ngan kontrobersyal nga pahayag ni US President Donald Trump.
Ginbatikos ni Pezeshkian an ginbuhat nga pag-post hin mga pag-atake ni Trump ngan han dire pag-respeto ha relihiyon ngan insulto ha dignidad han Catholic leader.
Hi Pope Leo XIV, in kilala ha iya mahugot nga panawagan para ha kahimyang ngan dayalogo ha butnga han mga pankalibutan nga tensyon, kaupod an gyera ha Iran.
An iya mga pahayag kontra ha kasamok in nakakarawat hin reaksyon tikang ha presidente han Amerika, nga nagresulta han pan-insulto hini ngan pag-post hin kontrobersyal nga imahe.
Manunumduman nga nag-post hi Trump in AI-generated image kun diin iya gintatawag an iya kalugaringon nga hiya hi Hesukristo.
