METRO MANILA – Ginbuyagyag ni Ramil Madriaga ha impeachment hearing han House Committee on Justice nga ginpandestribwer niya ha sakob la han haros 24 ka-oras dida han Disyembre 2022 an P125 million nga confidential funds han Office of the Vice President.
Tarihas ini ha nagawas nga impormasyon nga ha sakob la han 11 ka-adlaw naubos han OVP an nasabi nga kantidad.
Basar ha affidavit ni Madriaga nga iya ginbasa ha impeachment hearing, ginkuha nira an kwarta ha Department of Education central office ha Pasig City ngan gindul-ong ha magkadurudilain nga lugar ha Laguna ngan Quezon City basar ha mando ni VP Sara.
Ha iya testimonya, ginmalatumat gihapon ni Madriaga nga pira ka-beses hiya nagdul-ong hin dagko nga kantidad han salapi ha Office of the Ombudsman, partikula na kanda Ombudsman Samuel Martires ngan Assistant Special Prosecutor Ryan Rey Quilala.
Ginpaangbit gihapon ni Madriaga nga ginpa-abri hiya hin account ha magkadurudilain nga bangko ngan gingamit hiya nga dummy han mga Duterte para ha money laundering ngan pag-transfer hin dagko nga kantidad han salapi.
