METRO MANILA – Gintutuohan han Philippine National Police-Anti Cybercrime Group (PNP-ACG) nga namatay an duha nga menor de edad mahitungod nga na-groom o naimpluwensyahan han mga extremist group nga aada ha online game nga Roblox.
Ha pagdungog han Senate Committee on Women, Children, and Gender Equality, ginkumpirma ni PNP-ACG Acting Deputy Director for Operations PCol. Romeo Desiderio an report kun diin parehas nagdara hin pusil ha ira ekswelahan an duha nga biktima.
Gintudlok ni Desiderio nga an usa in Grade 10 tikang ha Marikina samtang an usa in Grade 12 student tikang ha Batangas.
Basar ha profile han mga kabataan nga nasalbar tikang ha grooming o impluwensya han Roblox, gintudlok ni Desiderio nga an mga ini in aada ha edad 12 kutob 15 anyos ngan mayorya gihapon han mga ini in na-iskwela ha private schools sanglit ha pagkita han PNP-ACG tikang an mg aini ha mga middle-income ngan high-income families.
Samtang, ginsuhestyon naman han pira nga senador nga igbutang ha tulo ka-bulan nga probation an Roblox mahuman ini maisummpay ha duha nga insidente han school shootings ha nasud.
