THE HAGUE, NETHERLANDS – Ginhangyo han kampo ni anay Presidente Rodrigo Duterte ha International Criminal Court Appeals Chamber nga tugutan hiya nga dire umatender ha nakatalaan nga pagdungog ha Abril 22, 2026, kasumpay han iya kaso nga may kalabutan ha drug war.
Sumala ha iya mga abogado, an legal team na la an maatubang ha pagdungog ha The Hague, kun diin papaghisgotan han Appeals Chamber an apela han depensa kasumpay ha isyu han hurisdiksyon han ICC ha kaso.
Nauna na nga ginbasura han ICC Pre-Trial Chamber an pagbaribad han kampo ni Duterte nga waray na hurisdiksyon an korte mahuman umatras an Pilipinas ha Rome Statute dida han 2019.
Duon naman han ICC, may kapas la gihapon ini ha mga kaso nga nahitabo nga kaupod pa an nasud ha tribunal.
Ginlalauman naman nga magdedesisyon an Appeals Chamber ha apela han kampo ni FPRRD ha nakatalaan nga pagdungog.
