TACLOBAN CITY – Sobra 400 nga mga European tourists tikang ha 19 nga mga German speaking countries an bumisita ha Kalanggaman Island, ha Palompon Leyte.
Sumala kan Terence Osmeña, han Palompon LGU, sakay an mao nga mag turista ha MS Europa 2, an highest rated cruise ship ha bug-os nga kalibutan.
Napili nira an Kalanggaman Island kumo kaparte han National Cruise Tourism Development Strategy han Local Tourism Industry ngan Department of Tourism (DOT) agud nga ipromote an mga destinasyon ha Pilipinas.
Duro naman an kalipay han mao nga mga European tourists ngan gindayaw pa han mga ini an malinampuson ngan maupay nga pamaagi han pagpreserba han mao nga isla.
Ginlibot han mga ini bug-os nga isla ngan nag-enjoy ha mga tourism activities sugad han swimming, stand-up paddle, kayaking ngan nagkita gihapon an mga ini han performance han dance troupe han Palompon.
San-o kumadto ha Kalanggaman, in kumadto anay ha Coron, Palawan, Romblon ngan Manila an mao nga mga cruise ship.
Nahibaruan nga ini na an ikalima nga cruise ship nga bumisita ha Kalanggaman Island, pero an MS Europa 2 an may pinakadamo nga pasaheros nga turista.
