Utro nga ginbaliktad han 31-anyos nga atleta hi Hari Chandra Giri an pantag han pakusugay mahuman niya mahimo an usa ha mga pinakadelikado nga stunt: an paglusad ha 100-steps nga hagdan gamit an ira mga kamot ha sulod la han 44.71 seconds.
Mahitungod ha kakaiba nga kalaksi hini nga nahipatik dida han Enero 4 ha Yunyang, Chongqing, nakuha han sundalo tikang ha Nepal Army an titulo nga “fastest time to descend 100 steps walking on hands”. Nakalusad hiya hin sobra 2-steps kada segundo samtang nakabaliktad, usa nga gios nga delikado kun mawawarayan hin balanse mahitungod ha posible nga danyos hini ha ulo, li-og, ngan kalawasan.
Sumala kan Hari, unom kabulan hiya nga naghag-id kada-adlaw para ha nasabi nga ayat, mas makuri an hagdan kumpara ha patag nga tuna mahitungod ha anggulo ngan kabug-at han epekto hini ha mga kasu-kasuhan. Labot ha pisikal nga aspeto kun diin naghag-id gihapon hiya ha mahulos nga hagdan agud magin andam ha ayat han logistics.
Mahitungod ha karaway kumunikasyon ngan pagkakaiba han lenggwahe ha China, mas nagin espesyal an world record mahitungod nga ginprubaran gihapon hini an iya kapas nga maghuna-huna ha butnga han pressure.
Dire naman ini an syahan nga higayon nga nakaghipatik hi Hari hin Guinness World Record. Kapot gihapon niya an mga titulo para ha pinakamalaksi nga pagbaktas gamit an kamot samtang mayda bola nga nakapiit ha iya pa-a, ngan an pinakamalaksi nga pag-inom hin 500 ml nga juice hin lemon samtang naka-handstand.
