-- Advertisements --
Hahangyuon han abogado han namatay nga Ateneo De Manila University basketball player Rene Baterbonia ha Department of Foreign Affairs nga magpagawas hin immigration lookout bulletin ha head coach nga hi Tab Baldwin.
Sumala kan Atty.Israelito Torreon, nga posible igpadara nira an nasabi nga request ha DFA yana nga adlaw.
Ginmalatumat hini nga dire nira ginpapahayag nga mayda pagbaton an nasabi nga coach ngan kaparte la ini agud magpadayon an imbestigasyon.
Manunumduman nga namatay hi Baterbonia ngan an team mate hini nga Divine Adili mahuman malumos ha kadagatan han Dipaculao, Aurora samtang gindudumara an ira team building exercise dida han Lunes.
