-- Advertisements --
Ginkumpira mga namatay an tulo nga seaman nga Indian, nga siyahan na nga nahipatik nga nawawara, mahuman maglunsar hin airstrike an militar han Estados Unidos ha Gulf of Oman.
Gintarget ha nasabi nga pag-atake hini ha Miyerkules an oil tanker han MT Settebello nga may watawat han Palau.
Sumala ha US military, ginatake an barko mahitungod ha kapakyasan hini sumunod ha mga direktiba han American forces, ngan nagdadara gihapon ini hin ginaalegar nga lana tikang ha Iran.
Mahitungod ha insidente, opisyal na nga ginpatawag han gobyerno han India an deputy head han US mission ha Delhi agud masumite hin protesta. Ini na an ikaduha nga barko nga may mga tripulante nga Indian nga ginatake han puwersa han US ha sakob la han yana nga semana.
