INTERNATIONAL – Gin-evacuate han mga otoridad an aada sobra 1,500 nga mga residente tikang ha hotel ngan kabablayan ha Crete, Greece mahuman nga maglarab an madagmit nga pagsarang han wildfire ha parte han isla, sumala ha report han Greek fire brigade.
Sobra 230 nga bumbero an nagburublig agud mapuy-poy an kalayo nga gintawag han mga otoridad nga makuri nga sitwasyon mahitungod nga dudrungan an paglarab han kalayo ha magkadurudilain nga parte.
Usa nga lain pa nga sunog an nahipatik ha Halkidiki region, kun diin 160 ka-bumbero ngan 49 nga sarakyan pan-emergency an rumesponde.
Nagpahimatngun naman an fire service nga an Greece in tikadto na pinakadelekado nga bulan han fire season, kun diin an magkusog nga hangin in mas nagpapakusog ha pagsarang han kalayo.
