Igin haon ni Senator Imee Marcos an Senate Bill No. 2067 o balaodnon nga may panuyuan ig ugsod an Barangay ngan Sanguniang Kabataan Elections (BSKE) tikang Nobyembre 2026 ngada ha Oktubre 2027 mahitungod ha kabaraka nga diri makabotos an kadam-an nga mga Pilipino dara han hitaas nga pamasahe mahitungod han mahal nga presyo han krudo.
Igin duon ha mao nga balaodnon nga kun maiuugsod an piniliay, padayon an magigin serbisyo han mga opisyal han barangay, nga usa nga dako nga bulig agud mas matutukan an panginahanglan ha ira kumunidad ha butnga han na eeksperyensyahan nga krisis ha nasud.
Labot la hini, igin tudlok gihaoon nga ma abot ha P16 bilyon an gagastuson para ha BSKE sumala ha Commission on Election (COMELEC), labot la ha kadugang nga gastos ha Philippine National Police (PNP), Department of Education (DepEd) ngan mga lokal nga pan gobyernohan.
Gin tagan duon pa ni Marcos nga mas maupay kun gamiton la anay an mao nga bilyun-bilyun nga budget ha paghahatag hin pangunahon nga panginahanglan han mga Pilipino sugad han pagkaon, krudo ngan iba pa nga serbisyo.
Subay pa kan Marcos, magkasunod la an Undas ngan Piniliay rason kun kay-ano ginlalauman nga magdadamo an mga biyahero ngan mag hihitaas an presyo han pamasahe.
Igin duon pa han senadora nga importante an Undas ha mga Pilipino kumo panahon hin pagdumdom ha mga kapamilya nga tumalikod na ha kadayonan rason kun kay ano pasagdan la anay an mga Pilipino nga mag ampo ngan hinumdumon an ira mga hinigugma ha kinabuhi ha bulan hiton Nobyembre nga waray halo hin pamumulitika.
