Maduon nga ginkondena ni Pope Leo XIV an pagpatay ha yinukot-yukot nga mga nagpo-protesta ha Iran ngan utro nga iginduon an iya pagbaribad ha kasamok.
Ginbuhat niya an pahayg ha usa nga press conference samtang tipauli ha Roma mahuman an iya upat nga nasud nga pagbisita ha Africa.
Sumala ha Santo Papa, dire makaru-karawat an pagpatay han kinabuhi han mga inosente nga katawhan. Gintagan-duon hini nga kumo usa nga ispiritwal nga lider, dire hiya pwede sumuporta ha anuman nga klase hin kasamok.
An pahayagin kasunod han nagin komento ni U.S. President Donald Trump nga nakwestyon kun kay-ano waray nagpahayag dayun an Santo Papa kasumpay ha sitwasyon ha Iran. Sugadman waray ini niya direkta nga batuna, iginduon ni Pope Leo an iya dig-on kontra ha kasamok.
Ginmalatumat gihapon han Santo Papa nga an tensyon ha butngan han Estados Unidos ngan Iasn, nga daw nagdudurot la hin matindi nga pagkukuri ha mga ordinaryo nga indibidwal.
