NATIONAL NEWS- Ginpapaniguruhan ni Senate Committee on Finance Chairperson Senador Sherwin Gatchalian nga mahilakip an ‘Build Back Better Fund’ ha ira ginbubug-os nga 2026 national budget.
Panuyo han balaodnon nga ‘Build Back Better Fund’ in agud nga dayon makaghatag hin bulig ngan suporta ha mga indibidwal ngan komunidad nga duro nga naapektaran han mga kalamidad, sugad hiton makusog nga linog, ngan bagyo nga umigo ha nasud.
Dugang pa hine, nga posible gihapon mag-alutaga hin pondo para ha ‘Build Back Better Fund’ tikang ha mga alokasyon nga iginbalhintikang ha Department of Public Works and Highways (DPWH).
Labot la ha pagbug-os hiton ‘Build Back Better Fund’, aktibo gihapon nga ginduduso ni Gatchalian an pag-alutaga hin mas hitaas nga pondo para ha post-disaster rehabilitation.
