NATIONAL–Mahuman an usa nga adalaw nga hilaba nga deliberasyon, ginaprubaran ngan ginamyendahan na han Senado han Lunes an Senate Resolution No. 256, nga nagkokondema ha ga pahayag han Chinese Embassy ha Manila nga nagbabatikos ha mga opisyal ngan institusyon han Pilipinas kasumpay han pagdedepensa ha soberanya gan katungod han nasud ha dispute waters.
Subay ha resolusyon nga pirmado han 15 ka senador, tumalapas ha diplimatiko nga komunikasyon an mga pahayag ni Chinese Ambassador Jing Quan, ngan tumalapas ha mga prinsipyo han mutual nga respeto ngan non-interference han mga estado.
Ginmalatumat gihapon ha resolusyon nga ginbatikos han Department of National Defense ngan Armed Forces of the Philippines an mga pahayag han China nga mayada tumong nga igtarhog an Pilipinas ngan ginklaro nga dire hira mapupugnan ha sugad nga aksyon.
Subay ha resolusyon, kumo usa nga soberano nga estado, mayada katungos an Pilipinas nga igdepensa n kaliugaringon ga posisyon hine, subay ha international alw, ngan an malinawon nga ‘assertion of sovereign rights does not characterize aggression or provocation’
Ginklaro naman han Senado nga an resolusyon an nagpapahayag la hin sense of the Senate ha pagbatikos han Chinese Embassy, particular ha dire angay nga pagbatikos ha mga Pilipino ngan institusyon ha pagpapatuman han ira obligasyon.
