Gin sukna ni Kabataan party-list Rep. Atty. Renee Co hi Department of Interior and Local Government Secretary Jonvic Remulla ha suhestyon hini nga bungkagon an Sangguniang Kabataan mahitungod han kurapsyon nga gin kakalakipan han duha nga SK Chairperson ha syudad han Makati.
Sumala kan Co, maiha na nga igin duduso han mao nga grupo nga an political dynasty an bungkagon mahitungod nga waray nahihimo nga choice an mga kabataan ug napipiritan la an mga ini nga sumunod ha guba nga sistema.
Manunumduman nga igin suhestyon ni Remulla an pag-abolish ha SK mahuman suspendehon an duha nga SK chairperson ha Makati City mahitungod han pagkakadabi han mga ini ha daw korupsyon.
Subay pa hini, matutudlok an gobyerno nga hipokrito kun tatanggalan hin espasyo nga magin lider mahitungod ha korapsyon samtang nagpapakabuta-buta ha maiha na nga sistema hin korapsyon ha Malacañang.
Dugang pa hini, baga-baga hin gin uubos ni Remulla an ngatanan nga SK officials bisan man kun duha la ini ha subra 42,000 SK Chairman ha bug-os nga nasud nga nahidabi ha iregularidad ngan korapsyon.
