TACLOBAN CITY – Nakiusa hi Sen. Ramon ‘Bong’ Revilla Jr. ha gindumara nga Bagong Pilipinas Serbisyo Fair ha Tacloban City nga panuyo nga mas igpahirani ha mga tawo iton mga serbisyo ha gobyerno.
Hiya in kaupod ni House Speaker Ferdinand ‘Martin’ Romualdez ngan han sobra 200 nga mga kongresista kon diin gindayaw hini Romualdez ha paniguro hini nga maserbisyuhan an mga tawo ngan gintawag pa niya ini nga ‘Speaker of the People’.
“Maswerte kamo dinhe ha Tacloban ngan Leyte tungod kay mayda kamo House Speaker nga Speaker hiton mga katawhan. Maaram hiya hiton panginhanglan hiton mga tawo Labi na an mga kablas,” pahayag ni Revilla ha iya speech durante han katitirok ha Leyte Sports Development Center.
Mababaruan nga maabot hin sobra 253,000 nga mga benepisaryo tikang ha duru-dilain nga parte hiton Sinirangan Bisayas iton nakapahimulos ha Bagong Pilipinas Serbisyo Fair.
Nagpatapod naman an senador nga permanente hiya masuporta ha Bagong Pilipinas Serbisyo Fair labi na nga kaudgan nga nakakapahimulos hini iton mga kablas.
