NATIONAL NEWS— Ginmalatumat ni Department of Information and Communications Technology (DICT) Spokesperson Asec. Aboy Paraiso nga posible may kaatubangon ha balaod hi Sen. Bato, matungod hiton pagpapasarang han deep fake videos, alinsunod ha Anti-Cybercrime Prevention Act.
Una hine, kalakip hi Sen. Ronald dela Rosa nga nagpasarang han video han bata nga nagyayakan kasumpay ha pagbalabag ha impeachment nga napamatud-an nga usa nga AI generated.
Dako gihapon daw an babatunon hiton mga opisyal kun igpapasarang pa an
fake news o deepfakes matungod nga damo an mga follower han mga ine nga posible naman madamay matungod ha madagmit nga pagsarang han sayop nga impormasyon.
Sagdon han DICT, mas maghirot an publiko partikular na an mga public figures agud nga dire an mga ine magin hinungdan hiton malain nga panuyo han paggamit hin artificial intelligence.
