NATIONAL– Igin diwara ni Senator Ronald “Bato” Dela Rosa nga may kalabutan hiya ha daw system han mga kapulisan nga kaupod ha Davao drug war template ha war on drugs han Duterte administration nga igin buyagyag ni Retired Police Colonel Royina Garma ha pagdungog han House Quad Committee dida han nakalabay nga adlaw.
Ha usa nga pahayag, gin klaro han senador nga waray hiya ideya kasumpay ha alegasyon ni Garma nga gin-adopt han Duterte administration an gintatawag nga template ha kampaniya kontra ilegal nga droga.
Han pakianhan naman an Senador kun gin manduhan hiya ni anay Presidente Rodrigo Duterte nga igpatuman an rewards system dida han PNP Chief pa hiya, gin pahayag hine nga waray sugad nga direktiba an anay Presidente.
Gin buyagyag gudman ni Garma nga an mga kapulisan nga makakapataya ha mga drug suspect in gintatagan hin reward para ha kada suspek nga ira mapapatay. An mga ine daw gihapon an nagpaplano han mga operasyon ngan operational expenses.
