NATIONAL–Natuod hi Manila 6th District Rep. Benny Abante nga posible magin “blessing in disguise” para ha mga makakalaban ni Vice President Sara Duterte an sayo nga pagpoisisyon hine para han 2028 elections.
Ginmalatumat ni Abante nga an sayo nga pag-anunsyo han bise president in magbubutang ha iya ha mas delikado nga pag-eksamin han publiko, labi na kasumpay han ika upat nga impeachment complaint kontra ha iya nga mayada kalabutan ha ginaalegar ga “unexplained wealth.”
Sumala kan Abante, kun waray gintataguan an Bise Presidente in dapat ine magin transparent ngan bumaton agud nga igpabilin an pagtapod han taumbayan.
Samtang natuod hiya nga “winnable” hi Duterte kun yana igdudumara an eleksyon, ginduon niya nga dire ine karuyag-sidngon nga dire ine mapipirde.
Dugang pa hine nga sobra 2 pa katuig an nabibilin bago an 2028 elections ngan damo pa an pwede pa mahitabo nga pagbag-o ha pulitika.
Ginmalatumat gihapon niya nga an mga isyu nga pan-nasud, kalakip an mga reporma ha pangobyernuhan ngan istorya ha korapsyon, in pwede maka-aekto ha mgagigin desisyon han mga botante.
