NATIONAL–Ginsikway han Sandiganbayan 6th Divison an mosuyon ni anay kongresista Zaldy Co nga baliktaran an deklarasyon nga hiya in usa nga ‘”fugitive from justice.”
Sumala ha korte waray merito an iya mosyon ngan ine in ginhaon lagpas ha gintalaan nga reglementary period.
Ha resolusyon, gintagan hin duon han Sandiganbayan nga an padayon nga pagkawaray ni Co ngan an dire pa niya pagsu-surrender o pagbalik ha nasud, ha kaluyo han hibaro ha kaso nga ginkaka-atubang , in klaro nga indikasyon han iya intension nga umiwas ha balaod.
Gindugang pa han korte nga dire pwede nga makabenepisyo hi Co ha ano man nga judicial relief samtang hiya in pugante.
Naka-atubang hi Co ha kaso nga graft ngan non-bailable malversation of public funds, ngan syahan nga ginkansela an iya pasaporte han Enero 2026, agud nga pugnan an padayon nga pag-iwas ha mga otoridad.
Ha kaluyo han iya apela, nanindogan an Sandiganbayan nga waray basehan agud nga baliktaran an nanguna nga desisyon, sanglit nagpapabilin ga “fugitive from justice” hi Co.
