NATIONAL–Gin-aquit han Sandiganbayan hi anay PNP chief Alan Purisima ngan 16 pa nga akusado nga dabi han iregular nga kontrata han PNP ha Werfast Documentary Agency, Inc. han 2011.
Ha desisyon han Sixth Division han korte, ginmaltumant nira nga pakyas daw an prosekusyon nga mapamatud-an an sala han akusado.
Mababruan nga an anay PNP chief in ginakusaran nga tumalapas ha Anti-Graft and Corrupt Practices Act matungod ha pagpirma han memorandom han kasabotan ha Werfast para ha computerized firearms license renewal system.
Sumala ha prosekusyon, waray umagi ha public bidding an kontrata ngan dire kwalipikado an Werfast nga courier firm, waray ini SEC registration ngan permiso tikang ha Department of Transportation and Communications.
Dugang pa han Sandiganbayan nga waray pruweba han conspiracy ngan waray sakto nga ebidensya han aktwal nga danyos durot han paglangan ha pag-deliver han firearms licenses.
Gin-tanggal gihapon han korte an mga hold departure orders kontra ha mga akusado ngan ginmanduhan han Bureau of Immigration nga tanggalon na an ira mga ngaran ha watchlist.
