NATIONAL – Gin pahaluagan na gihapon han Philippine National Police an pagbabantay hine ha vote-buying cases, usa kaadlaw ugsa an Mayo 12 elections.
Ginmanduhan ni PNP Chief, PGen. Rommel Francisco Marbil an kada regional director han PNP nga magdumara hin mga serye han operasyon agud mapugngan an posible nga vote-buying ngan vote-selling ugsa an piniliay.
Kadungan hine in ginmanduhan na gihapon han kada regional director an mga field commander ha ira area of operation agud bantayan an kada lugar.
Ginpapahugtan gihapon an pagtutok ha mga lugar nga mayda na mga nakarawat nga reklamo kasumpay ha pamalit hin botos.
Kada police station han PNP in mayda nakatudlok nga magbabantay ha nasabi nga isyu.
Ha mga nauna nga pahayag ni Commission on Elections chairman George Garcia, posible nga daw nga singabuton han pira nga kandidato an nasasalin nga mga adlaw agud pahaluagan an vote-buying operations, butang nga kinahanglan bantayan.
