NATIONAL – Nagpahimatngun hi House Committee on Public Accounts Chairman Joseph Stephen Paduano kan anay Bamban, Tarlac Mayor Alice Guo nga igpapapriso an anay alkalde ha Kamara mahitungod ha padayon nga pagbinuwa.
Ini in mahitungod ha pag-atubang ni Guo ha ika-unom nga hearing han House Quad Committee yana nga adlaw, gin pakianhan ni Manila Sixth District Representative Bienvenido Abante Jr. hi Guo kun sangkay niya hi Vice Mayor Leonardo Anunciacion.
Gin kompirma ni Anunciacion nga nagkakilala hira ni Guo han nakalabay nga 2001 han hiya in alkalde pa ha Bamban kun diin kumadto hi Guo ha iya opisina para mag-apply hin permit para magtukod hin POGO.
Han nagin mayor na hi Guo, nag-endorso ini hin POGO ha Sangguniang Bayan agud matagan hin lisensya han Philippine Amusement and Gaming Corporation.
Igindiwara naman ini ni Alice Guo kun diin igin pahayag hini nga waray hiya mag-endorso hin POGO.
Labot la hini, gin hingayadan gihapon ni Abante an educational background ni Guo mahitungod nga makarit magbinuwa an anay alkalde.
