TACLOBAN CITY – Arestado an usa nga pulis mahuman nga manholdap ha usa nga gas station ha Brgy. 96 Calanipawan, Tacloban City.
Sumala kan PCI Alex Echon, hepe han Tacloban City Police Office (TCPO) Station 1, ginkilala an suspek nga hi PO3 Marianito Tondo, nga dati nga naassign ha TCPO ngan yana in nag-schooling hin junior leadership course.
Naaresto an mao nga suspek mahuman nga dumangop ha mga kapulisan an cashier han mao Pryce Gas Station, ngan residente han Christina Heights Subd. Tacloban.
Sumala ha mao nga cashier, tigda nala hiya nga gintutukan hin pusil han suspek ngan ginpaabrehan an ira drawer kun diin nakuha han suspek an P2,980 nga partial sales of the day han mao nga gasoline station.
Ha pagkayana, in ada na ha kustodiya na han mga kapulisan an mao nga suspek ngan naatubang na ha kaangayan nga kaso.
