Magkahalo nga gios ha presyo han mga produkto petrolyo an ginlalauman han mga motorista yana nga semana.
Basar ha Mean of Platts Singapore (MOPS) ngan foreign exchange averages, in puydi humitaas ha P6.00 kutob P9.00 per litero an posible nga rollback ha presyo han diesel ngan aada naman ha P12.00 an posible ig ubos han presyo han kerosene.
Samtang, posible naman humitaas hin P1.00 kutob P4.00 per litero an presyo han gasolina.
Subay ha impormasyon han Agence France-Presse, lumaprak hin subra 5% an presyo han lana ha world market dida han nakalabay nga Huwebes mahitungod ha paglaom kasumpay han himangrawon nga pag undang na han geyera ha Middle East.
Samtang, umubos naman hin 5.1% ha presyo nga $96.06 kada bariles an international benchmark nga Brent North Sea crude.
Lumaprak gihapon hin 5.5% ha $89.87 an pangunahon nga kontrata han US nga West Texas Intermediate.
Manunumdumannnga dida han nakalabay nga Martes, Mayo 5, igin patuman han mga kumpanya han lana an mga sumusunod nga fuel price adjustments: paghitaas hin P2.20 kutob P2.21 kada litro para ha gasolina, paghitaas hin P2.60 kada litro para ha diesel, ngan rollback namang nga P3.53 kada litro para han kerosene.
