TACLOBAN CITY– Nagsagawa ng send off ceremony ang Police Regional Office 8, para sa 300 na mga kapulisan na ipapadala sa Police Regional Office 7, para mas palakasin pa ang seguridad sa isasagawang Sinulog Festival.
Ayon kay PBGEN,. Jason Capoy, Regional Director Police Regional Office 8, na ang pag au-augment ng kapulisan ay para makatulong sa
seguridad ng 461st Fiesta Celebration ng Señor Sto. Niño at ang Sinulog Festival 2026.
Alinsunod din ito sa direktiba ni Acting Chief Philippine National Police (PNP) PLTGEN. Jose Melencio Nartatez Jr.
Ang mga ito ay binubuo ng apat (4) na Police Commissioned Officers (PCOs) at 296 Police Non-Commissioned Officers (PNCOs), na estratehikong nakuha mula sa iba’t ibang PRO 8 units.
Kabilang dito ang 54 na tauhan mula sa Leyte Police Provincial Office (LPPO); 60 mula sa Southern Leyte PPO; 20 mula sa Tacloban City Police Office (TCPO); 20 mula sa Ormoc City Police Office (OCPO); 20 mula sa Biliran PPO; 20 mula sa Regional Mobile Force Battalion 8 (RMFB-8); 105 mula sa Regional Personnel and Records Management Division 8 (RPRMD-8); at isa mula sa Regional Headquarters Support Unit 8 (RHSU-8).
Inaasahang magbibigay sila ng tungkulin sa loob ng walong araw.
Ang augmented personnel ay magiging bahagi ng security deployment, crowd management, emergency preparedness at response operations sa panahon ng isa sa pinakamalaking religious at cultural gatherings sa bansa.
