-- Advertisements --
ENTERTAINMENT – Iginbuyagyag han British pop star nga hi Jessie J nga na-ospital hiya tungod han mga komplikasyon kahuman han iya operasyon ha breast cancer.
Ginpaangbit han “Price Tag” nga singer ha iya social media account nga bumalik na hiya ha ward han hospital kun diin hiya in nagpailarum hin breast surgery unom na ka semana an nakalabay.
Dugang pa hini nga nagkaada hiya hin diri ginlalauman nga impeksyon ngan natirok nga likido ha iya baga.
Nakukurian gihapon ini pagginhawa pero nagdesisyon hiya nga gumawas ha hospital tungod nga diri niya karuyag magpabilin ha sakob han hospital.
Ginamin hini nga dako nga ayat para ha iya an pagpapaupay matungod nga dire niya nabubuhat an normal niya nga ginbubuhat ha kada adlaw.
