-- Advertisements --
Gintagan pagkilala ngan ginawaran ha Senado an sikat nga P-Pop girl group nga BINI.
Presente ha Mataas nga Kapulungan an mga BINI members nga hira Aiah, Maloi, Jhoanna, Mikha, Colet, Gwen, Sheena ngan Stacey para personal nga karawton an award ha ira tikang ha mga senador.
Ginisponsoran ha plenaryo ni Sen. Bam Aquino an Senate Resolution 370 nga naghahatag hin pagkilala ha BINI mahitungod ha pagigin pride ngan inspirasyon han mga ini dire la ha sakob kundi pati ha gawas han nasud ngan pagpaparibhong gihapon ha orihinal Pinoy music.
Gintudlok gihapon ha resolusyon an pagkilala nga dara han BINI ha Pilipinas kumo pinaka-siyahan nga Filipino act nga nakapag-perform ha usa nga global music festival nga Coachella dida han Abril.
