TACLOBAN CITY – Ginsigurado han Department of Trade and Industry nga padayon nira nga ginmo-monitor an presyo ngan suplay han mga pangunahon nga papliton ha butnga han tensyon ha Middle East.
Sumala kan DTI Regional Office VIII Information Officer, Anthea Aivi Borbon-Ancheta, nga kada semana in ginmomonitor han ira provincial offices an mga basic necessities ngan prime commodities ha mga grocery, supermarket, ngan retail stores ha mga syudad ngan munisipalidad.
Basar ha pinaka-urhi nga monitoring, nagpapabilin nga stable an presyo ngan waray pa nakikita nga paghitaas ha mga pangunahon nga produkto.
Ginsunod gihapon an Suggested Retail Price list agud masigurado nga dire malahos ha nakatalaan nga presyo an mga produkto sugad han sardinas, instant noodles, gatas, toyo, suoy, kandila, ngan posporo.
Dugang pa han DTI, kun may petisyon para ha price increase, maagi pa ini ha mahugot nga proseso han National Price Coordinating Council ugsa aprubaran.
