METRO MANILA – Nagsumite hin petisyon ha Court of Appeals hi anay Presidential Spokesperson Atty. Harry Roque kasumpay ha pagkansela han iya passport ngan pagdeklara ha iya kumo pugante.
Sumala ha kampo ni Roque, ginsumite an Petition for Certiorari agud kwestyunon an ruling han Pasig City Regional Trial Court ngan ig-undang an implementasyon hini.
An pagkansela han passport ni Roque ngan pagdeklara ha iya kumo pugante in waray legal nga basaran ngan maitutudlok nga pagtalapas ha iya katungod.
Ginduon gihapon han anay sekretarya nga nagkamayda hin grave abuse of discretion an korte mahitungod ha pagtalapas ha iya katungod ha ilarum han due process, presumption of innocence ngan freedom to travel.
Pakyas gihapon an korte nga kilal-on an iya padayon nga paghangyo hin asylum ha Europe nga kinahanglan sundon han Pilipinas ha ilarum han international law.
