Nadukdok han Pilipinas an ikaduha nga gold medal ha 6th Asian Beach Games ha Sanya, China mahuman manguna hi high jumper Leonard Grospe ha iya event dida han Biyernes han aga.
Nahipatik ni Grospe an winning mark nga 2.05 meters agud makuha an gold medal.
Ugsa ini, malinampuson niya nga nalahusan an 1.80m, 1.90m, ngan 2.00m, pero pakyas ini nga malahusan an 1.20 meters ha lima nga pagprubar.
Nag-ikaduha naman hi Po-Ting Yeh han Taiwan nga lumukso hin 2.00m para ha silver medal, samtang bronze medalist hi Hao Zhang han CHina nga igkasi nakapag-clear han 2.00m.
Ha kabug-usan, padayon an maupay nga kampanya han Pilipinas ha torneo mahuman makakuha hin syahan nga gold medal tikang han Alexandria Enriquez ngan bronze tikang kan Kaila Napolis ha jiu-jitsu dida han Huwebes.
