THE HAGUE, NETHERLANDS – Ginsumite yana han legal team ni anay Presidente Rodrigo Duterte an apela kontra ha desisyon han International Criminal Court Pre-Trial Chamber mahuman kumpirmahon an mga kaso kontra ha anay presidente may paghisumpay ha mga pamatay hja ilarum han iya “war on drugs” campaign han hiya in mayor pa han Davao City ngan presidente han Pilipinas.
Sumala kan Atty. Nicholas Kaufman, mahangyo hira hin permiso nga magsumite hin apela ha desisyon nga gintawag niya nga “most bizarre” o kakaiba ngan “Kafkaesque” o makuri intindihon.
Duon niya nga umugop an pre-trial chamber ha prosekusyon ngan ginbaliwaray an katungod ni Duterte ha usa nga patas nga trial.
Ginkuwestyon gihapon han kampo han depensa an kakulangan han detalye ha mga akusasyon.
Samtang, ginmalatumat ni anay Chief Presidential Legal Counsel Atty. Salvador Panelo nga ha iya pagkita in “pre-judged” na an kaso, ngan ginduon hini nan alegasyon han daw sabwatan han ICC ngan presente nga administrasyon.
